三十五、姚生劝试

    三十五、姚生劝试

    慢启玉人因父恼，又言卧病此书生。芸窗日把残生抵，挨到春完夏又临。日长无计开怀抱，时时痛哭想佳人。一朝表弟姚公子，入窗来见亦沧身。宗师不日临科考，今年秋榜要高登。我兄须要勤书史，为何终日锁眉心？有乜因由言过我，第一偷愁偷恼易伤人。亦沧难把真情诉，开口偷知苦煞人。细叫一声贤表听：那得心神去习文？秋榜料知无我份，几时中着病中人？我弟大才须大用，鳌头独步占高登。我亦无望今年科举事，只怕残生挨不到新春。姚生好笑回言道：贤兄说话太痴人。知君平日高才子，要取功名只当尘。不过近为些闲事，含愁不畀我知闻。你话不走科场无考试，十年枉费读书心。三年一度开科举，谁人无望步青云？纵然天大无平事，金榜题名就遂心。劝兄必不担烦恼，恐怕娘爷为你日操心。自古为人须尽孝，莫作痴呆蹭蹬人。梁生听罢心中想，趋此京中会玉人。就依姚表言和语，起来窗下习书文。姚生揖别回归去，不觉宗师又到临。亦沧兄弟居头等，别却爹娘京上行。